kis ne samajh liya mujhe kaun samajh saka mujhe

kis ne samajh liyā mujhe kaun samajh sakā mujhe

gum hoñ kisī kī yaad meñ apnā nahīñ patā mujhe

kyuuñ haiñ ye āh-o-zāriyāñ kyuuñ haiñ ye be-qarāriyāñ

shaam hī 'ain-e-sub.h thī sub.h ko ye khulā mujhe

rāhbaroñ se chal sakā kaam na rāh-e-'ishq meñ

jab milā koī rāhzan mil gayā rāsta mujhe

ghar ko ḳhudā ke chhoḌ kar dair kī samt huuñ ravāñ

haaye kidhar ko le chalā dil kā mu'āmala mujhe

'ishq kā jo ma.aal hai vo bhī 'ajīb haal hai

yā'nī ḳhushī kī ruup meñ ġham hī nazar paḌā mujhe

tere qadam se duur thī merī jabīn-e-ārzū

terī nigāh-e-nāz ne de diyā hausla mujhe

haal jo ho gayā zubūñ hone lagā jo sar-nigūñ

zarre jahān-e-'ishq ke dene lagī sadā mujhe

kis ne samajh liya mujhe kaun samajh saka mujhe

gum hon kisi ki yaad mein apna nahin pata mujhe

kyun hain ye aah-o-zariyan kyun hain ye be-qarariyan

sham hi 'ain-e-subh thi subh ko ye khula mujhe

rahbaron se chal saka kaam na rah-e-'ishq mein

jab mila koi rahzan mil gaya rasta mujhe

ghar ko KHuda ke chhoD kar dair ki samt hun rawan

haye kidhar ko le chala dil ka mu'amala mujhe

'ishq ka jo maal hai wo bhi 'ajib haal hai

ya'ni KHushi ki rup mein gham hi nazar paDa mujhe

tere qadam se dur thi meri jabin-e-arzu

teri nigah-e-naz ne de diya hausla mujhe

haal jo ho gaya zubun hone laga jo sar-nigun

zarre jahan-e-'ishq ke dene lagi sada mujhe