itni hai kahan tab wo be-parda na aaen

itnī hai kahāñ taab vo be-parda na aa.eñ

bas phūñke diye detī haiñ chilman kī shu'ā.en

us jalva-gah-e-nāz kī maqbūl adā.eñ

zāhid kī du'ā.eñ haiñ ki mastoñ kī ḳhatā.eñ

paiġhām-e-sadāqat hī to laa.ī haiñ shu'ā.en

kyuuñ chaak huī jaatī haiñ ġhunchoñ kī qabā.eñ

tā chand ye maḳhmūr havā.eñ ye ghaTā.eñ

aa jām-ba-kaf vajd meñ phir dhuum machā.eñ

sad mūsā-o-sad tuur hue ḳhaak kabhī ke

ye kah do 'sa.īd' ab vo sar-e-bām na aa.eñ

itni hai kahan tab wo be-parda na aaen

bas phunke diye deti hain chilman ki shu'aen

us jalwa-gah-e-naz ki maqbul adaen

zahid ki du'aen hain ki maston ki KHataen

paigham-e-sadaqat hi to lai hain shu'aen

kyun chaak hui jati hain ghunchon ki qabaen

ta chand ye maKHmur hawaen ye ghaTaen

aa jam-ba-kaf wajd mein phir dhum machaen

sad musa-o-sad tur hue KHak kabhi ke

ye kah do 'said' ab wo sar-e-baam na aaen