saqi se nigahen laDte hi hum zist ka saman bhul gae

saaqī se nigāheñ laḌte hī ham ziist kā sāmāñ bhuul ga.e

sāġhar kī tamannā hī na rahī paimāne kā armāñ bhuul ga.e

sāhil se ta'alluq kyā chhoḌā ham ḳhud se phañse haiñ maujoñ meñ

kis samt ko kashtī jaatī hai kis samt hai tūfāñ bhuul ga.e

vo aah na aa.ī hoñToñ tak jis meñ ki thā saarā rāz-e-dilī

ham kahne jo baiThe qissa-e-ġham qisse kā hī kā 'unvāñ bhuul ga.e

ik shām-e-alam ik sub.h-e-alam qismat se milī thī un kī qasam

ik ḳhvāb-e-pareshāñ yaad rahā ik ḳhvāb-e-pareshāñ bhuul ga.e

kyuuñ aaj hai ye parda-poshī kyuuñ baḳhshī hai us ko mad-hoshī

jo 'rāz' se tum ne bāñdhā thā shāyad ki vo paimāñ bhuul ga.e

saqi se nigahen laDte hi hum zist ka saman bhul gae

saghar ki tamanna hi na rahi paimane ka arman bhul gae

sahil se ta'alluq kya chhoDa hum KHud se phanse hain maujon mein

kis samt ko kashti jati hai kis samt hai tufan bhul gae

wo aah na aai honTon tak jis mein ki tha sara raaz-e-dili

hum kahne jo baiThe qissa-e-gham qisse ka hi ka 'unwan bhul gae

ek sham-e-alam ek subh-e-alam qismat se mili thi un ki qasam

ek KHwab-e-pareshan yaad raha ek KHwab-e-pareshan bhul gae

kyun aaj hai ye parda-poshi kyun baKHshi hai us ko mad-hoshi

jo 'raaz' se tum ne bandha tha shayad ki wo paiman bhul gae