junun-e-’ishq jitna kufr-e-saman hota jata hai

junūn-e-’ishq jitnā kufr-e-sāmāñ hotā jaatā hai

nigāh-e-dīda-var meñ nazd-e-īmāñ hotā jaatā hai

kisī parda-nashīñ kī āmad-o-shud kī bahāreñ haiñ

hamārā ḳhāna-e-dil bhī gulistāñ hotā hai hai

tumhāre hijr ke sadqe tumhāre vasl ke qurbāñ

ye dil bhī be-niyāz-e-kufr-o-īmāñ hotā jaatā hai

ḳhudā rakkhe vo nazreñ jis qadar ġham detī jaatī haiñ

mirā dil aur shādāñ aur shādāñ hotā jaatā hai

hazāroñ rañg haiñ jab ek be-rañgī ke parde meñ

to be-rañgī kā 'ālam kyuuñ numāyāñ hotā jaatā hai

maiñ jitnā bhī bayāñ kartā huuñ apnā rāz-e-ġham ai ‘rāz’

ye merā rāz-e-ġham itnā hī pinhāñ hotā jaatā hai

junun-e-’ishq jitna kufr-e-saman hota jata hai

nigah-e-dida-war mein nazd-e-iman hota jata hai

kisi parda-nashin ki aamad-o-shud ki bahaaren hain

hamara KHana-e-dil bhi gulistan hota hai hai

tumhaare hijr ke sadqe tumhaare wasl ke qurban

ye dil bhi be-niyaz-e-kufr-o-iman hota jata hai

KHuda rakkhe wo nazren jis qadar gham deti jati hain

mera dil aur shadan aur shadan hota jata hai

hazaron rang hain jab ek be-rangi ke parde mein

to be-rangi ka 'alam kyun numayan hota jata hai

main jitna bhi bayan karta hun apna raaz-e-gham ai ‘raaz’

ye mera raaz-e-gham itna hi pinhan hota jata hai