na socha na samjha na dekha na bhaala

na sochā na samjhā na dekhā na bhālā

jiyo tum ki chāhā jise maar Daalā

ab aise na the ham ko chheḌo to ro deñ

bahā hogā koī kaleje kā chhālā

ye aañkh apnī sāvan hai vo aañkh bhādoñ

Tapā-Tap hai aañsū kī paanī kā chhālā

jo kahtā vo sunte jo sunte vo karte

mire bāñkpan ne mujhe maar Daalā

suneñ aur na boleñ dabeñ aur na hamseñ

zarā sī jhijhak ne baḌā bojh Daalā

na jhuuT us ko jaano ki marnā hai ham ko

badal lī jo karvaT liyā hai sambhālā

milā.ūñ zarā āñsuoñ kī laḌī se

idhar lā idhar lā ye motī kā maalā

is andher nagrī meñ battī na DhūñDo

jo kuchh hai so apnī samajh kā ujālā

jise 'ārzū' koī taake na chhīne

mujhe rāj-gaddī hai vo mirg-chhālā

na socha na samjha na dekha na bhaala

jiyo tum ki chaha jise mar Dala

ab aise na the hum ko chheDo to ro den

baha hoga koi kaleje ka chhaala

ye aankh apni sawan hai wo aankh bhadon

Tapa-Tap hai aansu ki pani ka chhaala

jo kahta wo sunte jo sunte wo karte

mere bankpan ne mujhe mar Dala

sunen aur na bolen daben aur na hamsen

zara si jhijhak ne baDa bojh Dala

na jhuT us ko jaano ki marna hai hum ko

badal li jo karwaT liya hai sambhaala

milaun zara aansuon ki laDi se

idhar la idhar la ye moti ka mala

is andher nagri mein batti na DhunDo

jo kuchh hai so apni samajh ka ujala

jise 'arzu' koi take na chhine

mujhe raj-gaddi hai wo mirg-chhaala