apne ko tere dhyan mein jis ne miTa diya

apne ko tere dhyān meñ jis ne miTā diyā

bhaTke huoñ ko paas kā rastā batā diyā

Thahrā na jī mujhī ko Thikāne lagā diyā

ai dene vaale tū ne diyā bhī to kyā diyā

ulTī kahī samajh ke jo kahne kī baat thī

hoñT us ke yuuñ hile ki kalejā hilā diyā

kyūñkar paḌhūñ ki kyā hai lakīroñ meñ haath kī

jo likhā āñsuoñ ne Tapak kar miTā diyā

jhapkī thī jis se aañkh vo bijlī bhī ab nahīñ

tarsānā hī thā tum ko to kyuuñ aasrā diyā

āñkhoñ se āñkheñ milte hī dīvāne ho ga.e

phir bhar ke un kaToriyoñ meñ tum ne kyā diyā

maiñ soch hī meñ thā ki lagī hai kahāñ pe choT

ik huuk yuuñ uThī ki Thikānā batā diyā

do sūteñ chal rahī haiñ ab āñkheñ nahīñ rahīñ

Dheloñ ko paanī kar ke lagī ne bahā diyā

chauñk 'ārzū' ki saañs dhuāñ de rahī hai ab

chhālā na jaan ubharte hī jis ko dabā diyā

apne ko tere dhyan mein jis ne miTa diya

bhaTke huon ko pas ka rasta bata diya

Thahra na ji mujhi ko Thikane laga diya

ai dene wale tu ne diya bhi to kya diya

ulTi kahi samajh ke jo kahne ki baat thi

honT us ke yun hile ki kaleja hila diya

kyunkar paDhun ki kya hai lakiron mein hath ki

jo likha aansuon ne Tapak kar miTa diya

jhapki thi jis se aankh wo bijli bhi ab nahin

tarsana hi tha tum ko to kyun aasra diya

aankhon se aankhen milte hi diwane ho gae

phir bhar ke un kaToriyon mein tum ne kya diya

main soch hi mein tha ki lagi hai kahan pe choT

ek huk yun uThi ki Thikana bata diya

do suten chal rahi hain ab aankhen nahin rahin

Dhelon ko pani kar ke lagi ne baha diya

chaunk 'arzu' ki sans dhuan de rahi hai ab

chhaala na jaan ubharte hi jis ko daba diya