ek jahan hai mahw-e-hairat kya kahun

ik jahāñ hai mahv-e-hairat kyā kahūñ

apnī rūdād-e-mohabbat kyā kahūñ

merā har aañsū hai merā rāz-e-dil

ab meñ in ashkoñ kī qismat kyā kahūñ

ḳhud samajh leñge vo merā hāl-e-dil

apnā armāñ apnī hasrat kyā kahūñ

aa ga.e vo ruḳh se sarkā.e naqāb

ho ga.ī turfa qayāmat kyā kahūñ

dīd-e-jānāñ yād-e-jānāñ fikr-e-dost

hai ye har 'ālam 'ibādat kyā kahūñ

rah-ravī hī rah-ravī aur kuchh nahīñ

manzil-e-jānāñ kī hālat kyā kahūñ

jaam ke badle milā.ī hai nazar

aaj saaqī kī 'ināyat kyā kahūñ

vo mujhe ḳhushiyāñ 'atā karte haiñ kyuuñ

mujh ko hai ġham kī zarūrat kyā kahūñ

mujh se haiñ 'bahzād' vo ḳhvāhān-e-dil

maiñ huuñ pāband-e-muravvat kyā kahūñ

ek jahan hai mahw-e-hairat kya kahun

apni rudad-e-mohabbat kya kahun

mera har aansu hai mera raaz-e-dil

ab mein in ashkon ki qismat kya kahun

KHud samajh lenge wo mera haal-e-dil

apna arman apni hasrat kya kahun

aa gae wo ruKH se sarkae naqab

ho gai turfa qayamat kya kahun

did-e-jaanan yaad-e-jaanan fikr-e-dost

hai ye har 'alam 'ibaadat kya kahun

rah-rawi hi rah-rawi aur kuchh nahin

manzil-e-jaanan ki haalat kya kahun

jam ke badle milai hai nazar

aaj saqi ki 'inayat kya kahun

wo mujhe KHushiyan 'ata karte hain kyun

mujh ko hai gham ki zarurat kya kahun

mujh se hain 'bahzad' wo KHwahan-e-dil

main hun paband-e-murawwat kya kahun