mujhe kis ne dekhā hai phir muskurā ke
merī zindagī ko tamāshā banā ke
tujhe mai-kade kī qasam merī saaqī
pilā de pilā de nigāheñ milā ke
zamāne ke nairañg bhī ham ne dekhe
kabhī un ko kho ke kabhī un ko pā ke
fuġhāñ merī shāyad rasā ho ga.ī hai
taḌapne lage haiñ jo jhoñke sabā ke
merī manzil-e-saḳht allāhu-akbar
ki rahbar bhī Thahre na manzil batā ke
merī kashtī-e-ġham yūñhī paar hogī
maiñ ehsān kyuuñ luuñ bhulānā ḳhudā ke
merī be-qarārī ko kyā dekhtā hai
kahāñ hosh hai terī mahfil meñ aake
mirā haal mujh se na pūchho na pūchho
tumheñ kho gayā huuñ tasavvur meñ pā ke
us dar kā armāñ hai 'bahzād' mujh ko
maiñ qurbān jā.ūñ dar-e-mustafā ke
mujhe kis ne dekha hai phir muskura ke
meri zindagi ko tamasha bana ke
tujhe mai-kade ki qasam meri saqi
pila de pila de nigahen mila ke
zamane ke nairang bhi hum ne dekhe
kabhi un ko kho ke kabhi un ko pa ke
fughan meri shayad rasa ho gai hai
taDapne lage hain jo jhonke saba ke
meri manzil-e-saKHt allahu-akbar
ki rahbar bhi Thahre na manzil bata ke
meri kashti-e-gham yunhi par hogi
main ehsan kyun lun bhulana KHuda ke
meri be-qarari ko kya dekhta hai
kahan hosh hai teri mahfil mein aake
mera haal mujh se na puchho na puchho
tumhein kho gaya hun tasawwur mein pa ke
us dar ka arman hai 'bahzad' mujh ko
main qurban jaun dar-e-mustafa ke
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
