un ke nāzuk dil ko bhī ehsās-e-armāñ ho chalā
rafta-rafta un kā 'ālam bhī pareshāñ ho chalā
bahkī-bahkī sī nazar hai sahmī-sahmī sī nigāh
sunte-sunte haal merā ġham numāyāñ ho chalā
naaz meñ āñkhoñ se paiham ashk jaarī ho ga.e
mauj-e-ashk-e-alam bhī mauj-e-tūfāñ ho chalā
aur aañsū aañkh se paiham gire msatānā-vār
ek ashk-e-nā-murādī zeb-e-mizhgāñ ho chalā
fasl-e-gul ai fasl-e-gul haañ terī qurbān jā.iye
ab mujhe ehsās-e-dāmān-e-girebāñ ho chalā
phir vahī zulfeñ usī chehre pe aakar chhā ga.iiñ
phir vahī 'ālam murād-e-dīn-o-īmāñ ho chalā
ab sukūñ paane lagā dil iztirāb-e-shauq se
yā'nī ik qaidī-e-ġham mānūs-e-zindāñ ho chalā
us nigāh-e-nāz ne baḳhshā thā jo roz-e-azal
rafta-rafta vo sharāra mehr-e-tābāñ ho chalā
haaye ai 'bahzād' apne dil kā 'ālam kyā kahūñ
yā gulistāñ ban chalā thā yā bayābāñ ho chalā
un ke nazuk dil ko bhi ehsas-e-arman ho chala
rafta-rafta un ka 'alam bhi pareshan ho chala
bahki-bahki si nazar hai sahmi-sahmi si nigah
sunte-sunte haal mera gham numayan ho chala
naz mein aankhon se paiham ashk jari ho gae
mauj-e-ashk-e-alam bhi mauj-e-tufan ho chala
aur aansu aankh se paiham gire msatana-war
ek ashk-e-na-muradi zeb-e-mizhgan ho chala
fasl-e-gul ai fasl-e-gul han teri qurban jaiye
ab mujhe ehsas-e-daman-e-gireban ho chala
phir wahi zulfen usi chehre pe aakar chha gain
phir wahi 'alam murad-e-din-o-iman ho chala
ab sukun pane laga dil iztirab-e-shauq se
ya'ni ek qaidi-e-gham manus-e-zindan ho chala
us nigah-e-naz ne baKHsha tha jo roz-e-azal
rafta-rafta wo sharara mehr-e-taban ho chala
haye ai 'bahzad' apne dil ka 'alam kya kahun
ya gulistan ban chala tha ya bayaban ho chala
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
