kya puchhte ho jalwa-numa ho sabhi mein tum

kyā pūchhte ho jalva-numā ho sabhī meñ tum

phūloñ meñ tum ho ġhunchoñ meñ tum ho kalī meñ tum

har saañs ik payām hai har saañs ik salām

shāyad ki mil ga.e ho merī zindagī meñ tum

aisī pilā.ī hosh meñ aanā muhāl hai

har samt aa rahe ho nazar be-ḳhudī meñ tum

phīkā dikhā.ī dene lagā rañg-e-māhtāb

nikle ho sair-e-bāġh ko kyuuñ chāñdnī meñ tum

mujh ko miTā ke chain na pāoge hashr tak

mere malāl ko to na bhūlo ḳhushī meñ tum

saarī tajalliyāñ haiñ tumhārī hī chaar sū

zulmat meñ tum ho nuur meñ tum raushnī meñ tum

chehra utar gayā mere huzn-o-malāl kā

bin kar ḳhushī jo aa.e merī zindagī meñ tum

har riñd kyuuñ na mast sharāb-e-vafā rahe

sāġhar meñ tum ho mai meñ ho tum mai-kahsī meñ tum

sajdoñ meñ tum ho ashkoñ meñ tum aah meñ tumhīñ

'bahzād' batlā kī ho har bandagī meñ tum

kya puchhte ho jalwa-numa ho sabhi mein tum

phulon mein tum ho ghunchon mein tum ho kali mein tum

har sans ek payam hai har sans ek salam

shayad ki mil gae ho meri zindagi mein tum

aisi pilai hosh mein aana muhaal hai

har samt aa rahe ho nazar be-KHudi mein tum

phika dikhai dene laga rang-e-mahtab

nikle ho sair-e-bagh ko kyun chandni mein tum

mujh ko miTa ke chain na paoge hashr tak

mere malal ko to na bhulo KHushi mein tum

sari tajalliyan hain tumhaari hi chaar su

zulmat mein tum ho nur mein tum raushni mein tum

chehra utar gaya mere huzn-o-malal ka

bin kar KHushi jo aae meri zindagi mein tum

har rind kyun na mast sharab-e-wafa rahe

saghar mein tum ho mai mein ho tum mai-kahsi mein tum

sajdon mein tum ho ashkon mein tum aah mein tumhin

'bahzad' batla ki ho har bandagi mein tum