tere zikr ne tere fikr ne teri yaad ne wo maza diya

tire zikr ne tire fikr ne tirī yaad ne vo mazā diyā

ki jahāñ milā koī naqsh-e-pā vahīñ ham ne sar ko jhukā diyā

tire dast-e-banda-navāz ne merī aarzū se sivā diyā

magar aah jazb-e-jahāñ talab meñ ye kah rahā huuñ ki kyā diyā

vo jo rah-ravī kā ma.aal hai vahī merī manzil haal hai

mujhe rahbaroñ se milā hī kiyā mujhe rahzanoñ ne pitā diyā

na junūñ na josh-e-junūñ rahā na to dil na soz-e-darūñ rahā

tirī ik nigāh-e-sulūk ne ġham-e-zindagī ko bhulā diyā

tere mai-kade meñ jo aa gayā vo matā’-e-hosh uḌā gayā

use kho diyā tujhe pā gayā jahāñ jaam tū ne pilā diyā

kabhī mujh se aañkh milā ga.e kabhī mujh se aañkh churā ga.e

kabhī ik nazar meñ banā diyā kabhī ik nazar meñ miTā diyā

tere zikr ne tere fikr ne teri yaad ne wo maza diya

ki jahan mila koi naqsh-e-pa wahin hum ne sar ko jhuka diya

tere dast-e-banda-nawaz ne meri aarzu se siwa diya

magar aah jazb-e-jahan talab mein ye kah raha hun ki kya diya

wo jo rah-rawi ka maal hai wahi meri manzil haal hai

mujhe rahbaron se mila hi kiya mujhe rahzanon ne pita diya

na junun na josh-e-junun raha na to dil na soz-e-darun raha

teri ek nigah-e-suluk ne gham-e-zindagi ko bhula diya

tere mai-kade mein jo aa gaya wo mata’-e-hosh uDa gaya

use kho diya tujhe pa gaya jahan jam tu ne pila diya

kabhi mujh se aankh mila gae kabhi mujh se aankh chura gae

kabhi ek nazar mein bana diya kabhi ek nazar mein miTa diya