yaar se chhūTe zamāna ho gayā
ab to har 'ālam fasāna ho gayā
ham sukūñ ke naam se vāqif nahīñ
muddateñ guzrīñ zamāna ho gayā
lafz-e-uf lab par merī naala rahā
lab pe bulbul ke tarāna ho gayā
ab nahīñ siine meñ koī dāġh-e-'ishq
gul merā fānūs-e-ḳhāna ho gayā
āfrīñ ai shiddat-e-dard-e-jigar
un se milne kā bahāna ho gayā
kyā use kahte haiñ e’jāz-e-bayāñ
lafz jo niklā fasāna ho gayā
hai yahī 'bahzād' me'arāj-e-hayāt
ek begāna yagāna ho gayā
yar se chhuTe zamana ho gaya
ab to har 'alam fasana ho gaya
hum sukun ke nam se waqif nahin
muddaten guzrin zamana ho gaya
lafz-e-uf lab par meri nala raha
lab pe bulbul ke tarana ho gaya
ab nahin sine mein koi dagh-e-'ishq
gul mera fanus-e-KHana ho gaya
aafrin ai shiddat-e-dard-e-jigar
un se milne ka bahana ho gaya
kya use kahte hain e’jaz-e-bayan
lafz jo nikla fasana ho gaya
hai yahi 'bahzad' me'araj-e-hayat
ek begana yagana ho gaya
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
