nahīñ milnā nahīñ milnā hameñ manzil kabhī apnī
ki manzil kī talab rakhtī nahīñ hai rah-ravī apnī
hamāre qalb kā ye iztirāb-e-shauq kyuuñ jaa.e
vahī hālat jo pahle thī vahī hai aaj bhī apnī
hameñ kyā thā are ai nā-ḳhudā-e-kashtī-e-ulfat
tujhī par harf aa jaatā jo kashtī Dūbtī apnī
tere rū-e-munavvar kā nahīñ hai faiz to kyā hai
vagarna chāñd laayā hai kahāñ se chāñdnī apnī
ḳhudā rakhe vufūr-e-shauq ko allāh re 'ālam
ki hai ab be-qayām āstāñ har bandagī apnī
na ab apnī ḳhabar ham ko na ab dil kī ḳhabar ham ko
tire 'ālam meñ gum hone lagī hai zindagī apnī
mile me'arāj hastī kī hameñ 'bahzād' afsurda
adā gar naqsh-pā-e-dost par ho bandagī apnī
nahin milna nahin milna hamein manzil kabhi apni
ki manzil ki talab rakhti nahin hai rah-rawi apni
hamare qalb ka ye iztirab-e-shauq kyun jae
wahi haalat jo pahle thi wahi hai aaj bhi apni
hamein kya tha are ai na-KHuda-e-kashti-e-ulfat
tujhi par harf aa jata jo kashti Dubti apni
tere ru-e-munawwar ka nahin hai faiz to kya hai
wagarna chand laya hai kahan se chandni apni
KHuda rakhe wufur-e-shauq ko allah re 'alam
ki hai ab be-qayam aastan har bandagi apni
na ab apni KHabar hum ko na ab dil ki KHabar hum ko
tere 'alam mein gum hone lagi hai zindagi apni
mile me'araj hasti ki hamein 'bahzad' afsurda
ada gar naqsh-pa-e-dost par ho bandagi apni
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
