merī zabāñ ḳhamosh hai naġhma-e-ġham sunā.e kaun
saarā jahāñ hai muntazir vajd meñ us ko laa.e kaun
jis ko mirā ḳhayāl ho dekh le sham'-e-bazm ko
kahne se fā.ida hī kyā rāz-e-dilī batā.e kaun
ab vo kahāñ hai nāz-e-husn ab hai kahāñ niyāz-e-'ishq
kaun bahā.e ashk-e-ġham dekh ke muskurā.e kaun
'ishq ko aazmā chuke sāhib-e-’aql-o-hosh-o-dil
husn 'ajīb chiiz hai husn ko āzmā.e kaun
sun ke merī tabāhiyāñ pursish-e-hāl kis ne kī
kis ne bharī ik āh-e-ġham kis ne kahā ki haaye kaun
daur-e-niyāz-o-nāz hai 'ālam soz-o-sāz hai
jalva to ḳhud hī aa.egā apnī nazar uThā.e kaun
kaun murād-mand hai aaj havā bhī band hai
kaun chale chaman-chaman ġhuncha ba-ġhuncha jaa.e kaun
meri zaban KHamosh hai naghma-e-gham sunae kaun
sara jahan hai muntazir wajd mein us ko lae kaun
jis ko mera KHayal ho dekh le sham'-e-bazm ko
kahne se faida hi kya raaz-e-dili batae kaun
ab wo kahan hai naz-e-husn ab hai kahan niyaz-e-'ishq
kaun bahae ashk-e-gham dekh ke muskurae kaun
'ishq ko aazma chuke sahib-e-’aql-o-hosh-o-dil
husn 'ajib chiz hai husn ko aazmae kaun
sun ke meri tabahiyan pursish-e-haal kis ne ki
kis ne bhari ek aah-e-gham kis ne kaha ki haye kaun
daur-e-niyaz-o-naz hai 'alam soz-o-saz hai
jalwa to KHud hi aaega apni nazar uThae kaun
kaun murad-mand hai aaj hawa bhi band hai
kaun chale chaman-chaman ghuncha ba-ghuncha jae kaun
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
