chārasāzoñ se ġham na kam hogā
aap aa jaa.eñ to karam hogā
tū sitam kar tere sitam ke nisār
zabt kā hausla na kam hogā
maiñ ne pahroñ du'ā.eñ māñgī haiñ
dard dil kā kabhī na kam hogā
tere dar tere āstāñ ke sivā
aur ye sar kahīñ na ḳham hogā
merī rusvā.iyoñ kā ḳhauf na kar
naam terā terī qasam hogā
ham bane haiñ vafā.eñ karne ko
tū sitam kar terā karam hogā
hogā 'bahzād' mere she'r meñ kyā
bas mirā mājrā-e-ġham hogā
chaarasazon se gham na kam hoga
aap aa jaen to karam hoga
tu sitam kar tere sitam ke nisar
zabt ka hausla na kam hoga
main ne pahron du'aen mangi hain
dard dil ka kabhi na kam hoga
tere dar tere aastan ke siwa
aur ye sar kahin na KHam hoga
meri ruswaiyon ka KHauf na kar
nam tera teri qasam hoga
hum bane hain wafaen karne ko
tu sitam kar tera karam hoga
hoga 'bahzad' mere she'r mein kya
bas mera majra-e-gham hoga
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
