dair-ba-dair ku-ba-ku sajda-kunan guzar gaya

dair-ba-dair kū-ba-kū sajda-kunāñ guzar gayā

'ishq ba-sad niyāz-e-shauq-e-pā ke amaañ guzar gayā

jumbish-e-chashm-e-nāz-e-dost kar ga.ī turfa-e-inqalāb

fasl-e-bahār aa ga.ī daur-e-ḳhizāñ guzar gayā

jaam rahā yūñhī dharā hosh hī mujh ko kab rahā

ho ke jo mere paas se pīr-e-muġhāñ guzar gayā

manzil-e-soz-o-sāz se hadd-e-vafā tarāz se

rehn-e-yaqīñ na jā sakā vaqf-e-gumāñ guzar gayā

apne jahān-e-nāz meñ tū use garm-e-shauq rakh

phir use kaun pā.egā 'ishq-e-jahāñ guzar gayā

ab hai kahāñ vo be-hijāb chehre pe aa chukī naqāb

kaun paḌhe namāz-e-'ishq vaqt-e-azāñ guzar gayā

Daal ke mujh pe ik nigāh dekh ke 'ishq meñ tabāh

us ke nisār jā.iye naġhma-kunāñ guzar gayā

dair-ba-dair ku-ba-ku sajda-kunan guzar gaya

'ishq ba-sad niyaz-e-shauq-e-pa ke aman guzar gaya

jumbish-e-chashm-e-naz-e-dost kar gai turfa-e-inqalab

fasl-e-bahaar aa gai daur-e-KHizan guzar gaya

jam raha yunhi dhara hosh hi mujh ko kab raha

ho ke jo mere pas se pir-e-mughan guzar gaya

manzil-e-soz-o-saz se hadd-e-wafa taraaz se

rehn-e-yaqin na ja saka waqf-e-guman guzar gaya

apne jahan-e-naz mein tu use garm-e-shauq rakh

phir use kaun paega 'ishq-e-jahan guzar gaya

ab hai kahan wo be-hijab chehre pe aa chuki naqab

kaun paDhe namaz-e-'ishq waqt-e-azan guzar gaya

Dal ke mujh pe ek nigah dekh ke 'ishq mein tabah

us ke nisar jaiye naghma-kunan guzar gaya