raha go meri zaban tak mera gham bhara afsana

rahā go merī zabāñ tak mirā ġham bharā afsāna

magar us ko kyā karūñ maiñ ki sunā kyā zamāna

merā kā'ba-e-mohabbat hai terā hī āstāna

terī rah-guzar meñ gum hai mirā jazb-e-’ārifāna

mere zauq kī kahānī mire shauq kā fasāna

ye durūd-e-sub.h-gāhī ye namāz-e-panj-gāna

na to lab pe koī nauha na zabāñ pe hai tarāna

merā 'ālam-e-mohabbat na samajh sakā zamāna

ye sadā-e-be-sadā.ī ye zabān-e-be-zabānī

kabhī ban ga.ī ḳhamoshī kabhī kah ga.ī fasāna

ye fazā hai aaj kaisī ki hai chaar sū udāsī

ye badal gayā huuñ maiñ hī kī badal gayā zamāna

rahe tā-abad salāmat rahe ta-ba-hashr āmīñ

mirā rañg-e-be-navā.ī terī shān-e-ḳhusravāna

raha go meri zaban tak mera gham bhara afsana

magar us ko kya karun main ki suna kya zamana

mera ka'ba-e-mohabbat hai tera hi aastana

teri rah-guzar mein gum hai mera jazb-e-’arifana

mere zauq ki kahani mere shauq ka fasana

ye durud-e-subh-gahi ye namaz-e-panj-gana

na to lab pe koi nauha na zaban pe hai tarana

mera 'alam-e-mohabbat na samajh saka zamana

ye sada-e-be-sadai ye zaban-e-be-zabani

kabhi ban gai KHamoshi kabhi kah gai fasana

ye faza hai aaj kaisi ki hai chaar su udasi

ye badal gaya hun main hi ki badal gaya zamana

rahe ta-abad salamat rahe ta-ba-hashr aamin

mera rang-e-be-nawai teri shan-e-KHusrawana