sukun nasib nahin the na the qarar ke din

sukūñ nasīb nahīñ the na the qarār ke din

baḌe fareb meñ guzre mire bahār ke din

kahāñ ye raat ke naale kahāñ ye din kī taḌap

kahāñ sukūn kī rāteñ kahāñ qarār ke din

kisī kā rū-e-munavvar hai pesh-e-chashm-o-nigāh

baḌe maze meñ guzarte haiñ intizār kī din

mirī fuġhāñ meñ vo shān-e-kamāl-e-ġham na rahī

ḳhizāñ ke ruup meñ aane lage bahār ke din

jabīn-e-shauq zarā sajda-reziyāñ dikhlā

maza to jab hai ki phir jaa.eñ kū-e-yār kaun

nazar na aa.egā kuchh bhī sivā-e-hadd-e-nazar

nazar kī aabrū jā.egī dīd-e-yār ke din

zamāna kuchh bhī kahe us ko lekin ai 'bahzād'

hameñ to ḳhuun rulāte rahe bahār ke din

sukun nasib nahin the na the qarar ke din

baDe fareb mein guzre mere bahaar ke din

kahan ye raat ke nale kahan ye din ki taDap

kahan sukun ki raaten kahan qarar ke din

kisi ka ru-e-munawwar hai pesh-e-chashm-o-nigah

baDe maze mein guzarte hain intizar ki din

meri fughan mein wo shan-e-kamal-e-gham na rahi

KHizan ke rup mein aane lage bahaar ke din

jabin-e-shauq zara sajda-reziyan dikhla

maza to jab hai ki phir jaen ku-e-yar kaun

nazar na aaega kuchh bhi siwa-e-hadd-e-nazar

nazar ki aabru jaegi did-e-yar ke din

zamana kuchh bhi kahe us ko lekin ai 'bahzad'

hamein to KHun rulate rahe bahaar ke din