pā ke mad.hosh-e-tamannā mujhe dekhā na kareñ
merī nazreñ mere 'ālam kā tamāshā na kareñ
ham ne ulfat hī ke māroñ kā ye dekhā andāz
dil na jhuktā ho to kā'be ko bhī sajda na kareñ
mujh ko rahbar se koī kaam na rahzan se ġharaz
rah-ravī kā mirī ye log tamāshā na kareñ
ham ko ġham kyā milā kaunain kī daulat paa.ī
ab koī ham ko ḳhushī de to gavārā na kareñ
merī rag rag kā ye 'ālam hai ki jaise dil ho
aap dekheñ par is andāz se dekhā na kareñ
chashm-e-nāzuk se bahāte haiñ vo kyuuñ ashk-e-alam
un se kah do ki haqīqat ko na afsāna kareñ
raaz kī baat zamāne ko batā do 'bahzād'
jo tamannāoñ meñ gum haiñ vo tamannā na kareñ
pa ke madhosh-e-tamanna mujhe dekha na karen
meri nazren mere 'alam ka tamasha na karen
hum ne ulfat hi ke maron ka ye dekha andaz
dil na jhukta ho to ka'be ko bhi sajda na karen
mujh ko rahbar se koi kaam na rahzan se gharaz
rah-rawi ka meri ye log tamasha na karen
hum ko gham kya mila kaunain ki daulat pai
ab koi hum ko KHushi de to gawara na karen
meri rag rag ka ye 'alam hai ki jaise dil ho
aap dekhen par is andaz se dekha na karen
chashm-e-nazuk se bahate hain wo kyun ashk-e-alam
un se kah do ki haqiqat ko na afsana karen
raaz ki baat zamane ko bata do 'bahzad'
jo tamannaon mein gum hain wo tamanna na karen
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
