sair ye zauq-e-ibaadat ho na ho

sair ye zauq-e-'ibādat ho na ho

kyā ḳhabar sajdoñ kī fursat ho na ho

mai-kada meñ sochtā huuñ bār-bār

mujh pe saaqī kī 'ināyat ho na ho

kaam kab chaltā hai manzil ke baġhair

rah-ravī kī dil ko hasrat ho na ho

Thokareñ khānā paḌeñgī 'ishq meñ

dar-ba-dar phirne kī 'ādat ho na ho

aur kyā karnā paḌegā ai junūñ

zindagī sarf-e-mohabbat ho na ho

kufr ko ab tak samajhtā huuñ maiñ kufr

ye ḳhudā jaane haqīqat ho na ho

mutma.in hai dil mujhe 'bahzād' kyā

yaar ke qadmoñ meñ jannat ho na ho

sair ye zauq-e-'ibaadat ho na ho

kya KHabar sajdon ki fursat ho na ho

mai-kada mein sochta hun bar-bar

mujh pe saqi ki 'inayat ho na ho

kaam kab chalta hai manzil ke baghair

rah-rawi ki dil ko hasrat ho na ho

Thokaren khana paDengi 'ishq mein

dar-ba-dar phirne ki 'adat ho na ho

aur kya karna paDega ai junun

zindagi sarf-e-mohabbat ho na ho

kufr ko ab tak samajhta hun main kufr

ye KHuda jaane haqiqat ho na ho

mutmain hai dil mujhe 'bahzad' kya

yar ke qadmon mein jannat ho na ho