suhulat mein izafa ho raha hai

suhūlat meñ izāfa ho rahā hai

magar insān tanhā ho rahā hai

maiñ duniyā maan ke utrā magar yaañ

tamāshe pe tamāsha ho rahā hai

bahut hairat-zada huuñ mere aaqā

tirā shaidā fasurda ho rahā hai

ḳhamoshī dostī ke darmiyāñ hī

vo ik rishta jo paidā ho rahā hai

tan-e-ḳhākī ke darje baḌh rahe haiñ

ġhilāf-e-qalb mailā ho rahā hai

dar-e-haidar pe apnī hāzirī ho

ki dāġh-e-dil jo chehrā ho rahā hai

uTho raḳht-e-safar bāñdho ki 'ashraf'

ye āñkhoñ pe jo parda ho rahā hai

suhulat mein izafa ho raha hai

magar insan tanha ho raha hai

main duniya man ke utra magar yan

tamashe pe tamasha ho raha hai

bahut hairat-zada hun mere aaqa

tera shaida fasurda ho raha hai

KHamoshi dosti ke darmiyan hi

wo ek rishta jo paida ho raha hai

tan-e-KHaki ke darje baDh rahe hain

ghilaf-e-qalb maila ho raha hai

dar-e-haidar pe apni haziri ho

ki dagh-e-dil jo chehra ho raha hai

uTho raKHt-e-safar bandho ki 'ashraf'

ye aankhon pe jo parda ho raha hai