pila saqiya ab mai-e-surKH rang

pilā sāqiyā ab mai-e-surḳh rañg

ki is qaid-e-qālib se hai ruuh tañg

shab-o-roz hai nafs kāfir kamīñ

fatah de kahāñ tak karūñ is se jañg

tire fazl kā ab huuñ ummīd-vār

hai ye nafs-e-ammāra misl-e-nihañg

pilā sharbat-e-misrī yūsuf mere

ki tishna ko kab sabr az āb-e-kHunuk

'ajab haal hai ahl-e-duniyā kā aah

uThāte haiñ fitna ko kaise haiñ Dhañg

kamāl-e-faqīrī kahāñ aur tamīz

madārī faqīr-o-gadā huuñ malañg

do-rañgī meñ hai merā fe'l aur qaul

ai 'āshiq-e-sādiq tu ho ek rañg

kiyā naam pīroñ kā badnām maiñ

mujhe sharm aatī hai aur 'aar nañg

gulistān-e-mohabbat kā taaza ho gul

mohabbat ho jis kī vo hai us ke sañg

madad pīr-e-miskīn jab tak na ho

samajh le ki hai ā.īna-e-dil pe zañg

nahīñ koī 'mahmūd' kā yaar ab

hai ḳhāna-nashīñ kyā huā pā-e-lañg

pila saqiya ab mai-e-surKH rang

ki is qaid-e-qalib se hai ruh tang

shab-o-roz hai nafs kafir kamin

fatah de kahan tak karun is se jang

tere fazl ka ab hun ummid-war

hai ye nafs-e-ammara misl-e-nihang

pila sharbat-e-misri yusuf mere

ki tishna ko kab sabr az aab-e-kHunuk

'ajab haal hai ahl-e-duniya ka aah

uThate hain fitna ko kaise hain Dhang

kamal-e-faqiri kahan aur tamiz

madari faqir-o-gada hun malang

do-rangi mein hai mera fe'l aur qaul

ai 'ashiq-e-sadiq tu ho ek rang

kiya nam piron ka badnam main

mujhe sharm aati hai aur 'ar nang

gulistan-e-mohabbat ka taza ho gul

mohabbat ho jis ki wo hai us ke sang

madad pir-e-miskin jab tak na ho

samajh le ki hai aaina-e-dil pe zang

nahin koi 'mahmud' ka yar ab

hai KHana-nashin kya hua pa-e-lang