aaj KHosha mein dana chale aao chiDiyan

aaj ḳhosha meñ daana chale aao chiḌiyāñ

ye makka kā daana paḌā khaao chiḌiyāñ

kyā laayā hai daana ne us daam meñ aaj

girift hai us jaal meñ na phañs jaao chiḌāñ

misl hai ki bhaTke kī chiḌiyā ye kab tak

ye daana ko khā kar na uḌ jaao chiḌiyāñ

bahut hai sharāb aaj mai-kHāna andar

le miitā mohabbat kā pī jaao chiḌiyāñ

khulā aaj darvāza phir ho.egā band

hue baa'd band phir na pachhtāo chiḌiyāñ

ishāra hai ham pīr-gāñ ahl-e-halqa

rakhā naam chiḌāñ na chiḌ jaao chiḌiyāñ

hai muñh chhoTā chiḌiyā kā daana baḌā hai

bas aaj apnī qismat ko āzmāo chiḌiyāñ

hai peT un kā chhoTā sā aur dil bhī hai tañg

yak chullū se paanī ke tham jaao chiḌāñ

hai mausam-e-bārāñ aur tuġhyānī gañg

yak qatra to nadī se pī jaao chiḌiyāñ

zarā’at hai makka kī nadī kināre

ye ḳhosha ke daana chun chun khaao chiḌiyāñ

chale aao 'mahmūd' ke hamrāh nadī

ab mausam hai kHarbūza ko khaao chiḌiyāñ

nahīñ tum ko taklīf detā hai mahmūd

tum ḳhātir-jam.a dil meñ baiTh jaao chiḌiyāñ

aaj KHosha mein dana chale aao chiDiyan

ye makka ka dana paDa khao chiDiyan

kya laya hai dana ne us dam mein aaj

girift hai us jal mein na phans jao chiDan

misl hai ki bhaTke ki chiDiya ye kab tak

ye dana ko kha kar na uD jao chiDiyan

bahut hai sharab aaj mai-kHana andar

le mita mohabbat ka pi jao chiDiyan

khula aaj darwaza phir hoega band

hue ba'd band phir na pachhtao chiDiyan

ishaara hai hum pir-gan ahl-e-halqa

rakha nam chiDan na chiD jao chiDiyan

hai munh chhoTa chiDiya ka dana baDa hai

bas aaj apni qismat ko aazmao chiDiyan

hai peT un ka chhoTa sa aur dil bhi hai tang

yak chullu se pani ke tham jao chiDan

hai mausam-e-baran aur tughyani gang

yak qatra to nadi se pi jao chiDiyan

zara’at hai makka ki nadi kinare

ye KHosha ke dana chun chun khao chiDiyan

chale aao 'mahmud' ke hamrah nadi

ab mausam hai kHarbuza ko khao chiDiyan

nahin tum ko taklif deta hai mahmud

tum KHatir-jama dil mein baiTh jao chiDiyan