sar-e-zulf-o-gul-e-rukHsar mahbubi phansa dil ko

sar-e-zulf-o-gul-e-rukHsār mahbūbī phañsā dil ko

ki phir bār-e-digar hargiz ḳhalāsī nā ho bulbul ko

kamand-e-yār meñ aisā phañsānā chāhiye dil ko

dil-e-āhū ramīda kā murād-e-dil ab hāsil ho

gulistān-e-haram ke aaj kyā ḳhandāñ gul-o-bulbul

rahe sarsabz ye bāġh-e-jināñ yā-rab na zaa.il ho

tasadduq ho to aise kā ki jo ho 'āshiq-e-kā'ba

tujhe kyā qadr kā'ba kī nahīñ tū 'āshiq-e-kāmil ho

nahīñ hai duur vo kā'ba tere shāh-rag se hai nazdīk

yahī hai vaqt fursat kā yalam-lam chal na kāhil ho

farz hai bāñdhnā arafa aur ehrām-e-tavāf-e-ka'aba

zab.h kar nafs-e-dumba ko ki phir haj terā fāzil ho

na jab tak sar tarāshe haaj khule ehrām nā-mumkin

kare sañgsār shaitāñ ko hai vājib dekh masā.il ko

fidā kar maal jaan apnā ki jo ho 'āshiq-e-miskīñ

zarā tū qadr kar 'ālim na itnā munkir-e-jāhil ho

du'ā hai yaum 'āshūra goyā miftāh jannat kī

fat.h hai baab kā'ba kā amn hai jo ki dāḳhil ho

'umr ho piir mere kī ziyāda ek sau se bhī

ki murshid shāh-e-miskīñ min qutb-e-kāmil-o-akmal ho

use bād-e-ḳhizāñ āfāt-e-duniyā se nigāh rakhnā

dil-e-‘mahmūd’ fanā-e-gul pe haañ hargiz na maa.il ho

sar-e-zulf-o-gul-e-rukHsar mahbubi phansa dil ko

ki phir bar-e-digar hargiz KHalasi na ho bulbul ko

kamand-e-yar mein aisa phansana chahiye dil ko

dil-e-ahu ramida ka murad-e-dil ab hasil ho

gulistan-e-haram ke aaj kya KHandan gul-o-bulbul

rahe sarsabz ye bagh-e-jinan ya-rab na zail ho

tasadduq ho to aise ka ki jo ho 'ashiq-e-ka'ba

tujhe kya qadr ka'ba ki nahin tu 'ashiq-e-kaamil ho

nahin hai dur wo ka'ba tere shah-rag se hai nazdik

yahi hai waqt fursat ka yalam-lam chal na kahil ho

farz hai bandhna arafa aur ehram-e-tawaf-e-ka'aba

zabh kar nafs-e-dumba ko ki phir haj tera fazil ho

na jab tak sar tarashe haj khule ehram na-mumkin

kare sangsar shaitan ko hai wajib dekh masail ko

fida kar mal jaan apna ki jo ho 'ashiq-e-miskin

zara tu qadr kar 'alim na itna munkir-e-jahil ho

du'a hai yaum 'ashura goya miftah jannat ki

fath hai bab ka'ba ka amn hai jo ki daKHil ho

'umr ho pir mere ki ziyaada ek sau se bhi

ki murshid shah-e-miskin min qutb-e-kaamil-o-akmal ho

use baad-e-KHizan aafat-e-duniya se nigah rakhna

dil-e-‘mahmud’ fana-e-gul pe han hargiz na mail ho