ishq KHalwat mein tha aakHir sar-e-bazar hua

'ishq ḳhalvat meñ thā ākHir sar-e-bāzār huā

ek 'ālam merī hālat se ḳhabar-dār huā

lailā majnūñ kā hai qissa yā zuleḳhā yūsuf

'ishq meñ shīrīñ ke farhād kyuuñ kohsār huā

'ishq aur mushk chhapāne se kahīñ chhuptā hai

laakh hujre meñ rakho tabla-e-’attār huā

ruḳh dikhā apnā zarā aur uThā de maqta’

jāma-e-zindagī bas tan pe girāñbār huā

ek lahza na judā yaar vafādār se ho

vaqt-e-sakHtī-o-musībat jo madad-gār huā

yaar duniyā se vafā.ī nahīñ dekhā koī

imtihān kar ke zamāna kā meñ hoshiyār huā

kis meñ tāqat hai kare vasf-e-imām-e-ā’zam

sau daf.a ḳhvāb meñ rab kā jise dīdār huā

baras chālīs tak ek vuzū se namāz-e-’ishā

kyā namāz-e-fazr paḌhī kaisā ye sardār huā

kyā nikaltī hai zabāñ se vo anal-haq kī sadā

sar-e-mansūr isī vāste bardār huā

rind mastoñ kā hai maqbūl sabhī hāl-o-qāl

mai-e-vahdat jo piyā us kā rabb-e-ġhaffār huā

jāma-e-chūñ kī ḳhabar jis ko na ho hai majzūb

hālat-e-jazb meñ kyā haal numūdār huā

’āshiq-e-nām-e-mohammad ko na chhuegī dozaḳh

nafs-e-shaitāñ se gar laakh gunahgār huā

huī usī vasīla se usī naam ke aadam kī najāt

tauba maqbūl huī kyā ye istiġhfār huā

ġharq se nuuh kī kashtī ko nikālā kis ne

nūr-e-ahmad merā har jā-e-madadgār huā

shar se namrūd ke bachne kā sabab thā honā

sho’la-e-nār ibrāhīm par gulzār huā

gul na hovegā qayāmat tak charāġh-e-’mahmūd’

jis ne afroḳhta kī vahī nigahdār huā

'ishq KHalwat mein tha aakHir sar-e-bazar hua

ek 'alam meri haalat se KHabar-dar hua

laila majnun ka hai qissa ya zuleKHa yusuf

'ishq mein shirin ke farhad kyun kohsar hua

'ishq aur mushk chhapane se kahin chhupta hai

lakh hujre mein rakho tabla-e-’attar hua

ruKH dikha apna zara aur uTha de maqta’

jama-e-zindagi bas tan pe giranbar hua

ek lahza na juda yar wafadar se ho

waqt-e-sakHti-o-musibat jo madad-gar hua

yar duniya se wafai nahin dekha koi

imtihan kar ke zamana ka mein hoshiyar hua

kis mein taqat hai kare wasf-e-imam-e-a’zam

sau dafa KHwab mein rab ka jise didar hua

baras chaalis tak ek wuzu se namaz-e-’isha

kya namaz-e-fazr paDhi kaisa ye sardar hua

kya nikalti hai zaban se wo anal-haq ki sada

sar-e-mansur isi waste bardar hua

rind maston ka hai maqbul sabhi haal-o-qal

mai-e-wahdat jo piya us ka rabb-e-ghaffar hua

jama-e-chun ki KHabar jis ko na ho hai majzub

haalat-e-jazb mein kya haal numudar hua

’ashiq-e-nam-e-mohammad ko na chhuegi dozaKH

nafs-e-shaitan se gar lakh gunahgar hua

hui usi wasila se usi nam ke aadam ki najat

tauba maqbul hui kya ye istighfar hua

gharq se nuh ki kashti ko nikala kis ne

nur-e-ahmad mera har ja-e-madadgar hua

shar se namrud ke bachne ka sabab tha hona

sho’la-e-nar ibrahim par gulzar hua

gul na howega qayamat tak charagh-e-’mahmud’

jis ne afroKHta ki wahi nigahdar hua