thi yagana wo nazar begana ban kar rah gai

thī yagāna vo nazar begāna ban kar rah ga.ī

zindagī afsāna dar afsāna ban kar rah ga.ī

qahqahoñ se kab merā TuuTā huā dil juḌ sakā

bebasī phir zīnat-e-kāshāna ban kar rah ga.ī

'aam hotā kis tarah rāz-e-nihān-e-mai-kada

tishnagī rehn-e-had-e-mai-ḳhāna ban kar rah ga.ī

ai hujūm-e-nā-murādī ai vufūr-e-be-ḳhudī

mastī-e-dil āḳhirash vīrāna ban kar rah ga.ī

dil meñ tū ne kī to apnī hoh farmā.ī magar

ye tajallī bhī charāġh-e-ḳhāna ban kar rah ga.ī

ab terī āñkhoñ meñ bhī aañsū nazar aane lagī

terī duniyā bhī merā ġham-ḳhāna ban kar rah ga.ī

yā ilāhī kaun aayā hai naqāb ulTe hue

sham'-e-mahfil aaj kyuuñ parvāna ban kar rah ga.ī

kyā maza dene lagā us ko sujūd-e-sañg-e-dar

kyuuñ jabīn-e-vaqf-e-but-e-but-kHāna ban kar rah ga.ī

'āshiqī kī kashmakash 'bahzād' aisī chiiz hai

zindagī TuuTā huā paimāna ban kar rah ga.ī

thi yagana wo nazar begana ban kar rah gai

zindagi afsana dar afsana ban kar rah gai

qahqahon se kab mera TuTa hua dil juD saka

bebasi phir zinat-e-kashana ban kar rah gai

'am hota kis tarah raaz-e-nihan-e-mai-kada

tishnagi rehn-e-had-e-mai-KHana ban kar rah gai

ai hujum-e-na-muradi ai wufur-e-be-KHudi

masti-e-dil aaKHirash virana ban kar rah gai

dil mein tu ne ki to apni hoh farmai magar

ye tajalli bhi charagh-e-KHana ban kar rah gai

ab teri aankhon mein bhi aansu nazar aane lagi

teri duniya bhi mera gham-KHana ban kar rah gai

ya ilahi kaun aaya hai naqab ulTe hue

sham'-e-mahfil aaj kyun parwana ban kar rah gai

kya maza dene laga us ko sujud-e-sang-e-dar

kyun jabin-e-waqf-e-but-e-but-kHana ban kar rah gai

'ashiqi ki kashmakash 'bahzad' aisi chiz hai

zindagi TuTa hua paimana ban kar rah gai