aansu jo umanD kar aa hi gae kuchh baat thi dil mein rah na sake

aañsū jo umañD kar aa hī ga.e kuchh baat thī dil meñ rah na sake

jazbāt-e-mohabbat ruk na sake ham hāl-e-zabāñ se kah na sake

nazreñ jo milā.īñ nazroñ se ham hosh-o-ḳhirad ko bhuul ga.e

pahle hī natīja zāhir thā par dil ke taqāze sah na sake

ye chashm-e-tamāsha-bāz magar baaz aa.ī na lamha bhar ke liye

vo garche tavajjoh farmā the ham kuchh bhī to dil kī kah na sake

ai zabt-e-mohabbat terī qasam jo TuuT paḌe vo ashk nahīñ

aañsū to faqat vo motī hai palkoñ meñ bañdhe aur bah na sake

the kitne nikamme aur bure par laakh se behtar ho ke jiye

ai shān-e-karam sadqe meñ tire mahrūm kabhī ham rah na sake

ai taaj haiñ ham raazī ba-razā duniyā pe hai raushan apnī vafā

hai kaun sā baaqī koh-e-alam jo sar pe paḌā aur sah na sake

aansu jo umanD kar aa hi gae kuchh baat thi dil mein rah na sake

jazbaat-e-mohabbat ruk na sake hum haal-e-zaban se kah na sake

nazren jo milain nazron se hum hosh-o-KHirad ko bhul gae

pahle hi natija zahir tha par dil ke taqaze sah na sake

ye chashm-e-tamasha-baz magar baz aai na lamha bhar ke liye

wo garche tawajjoh farma the hum kuchh bhi to dil ki kah na sake

ai zabt-e-mohabbat teri qasam jo TuT paDe wo ashk nahin

aansu to faqat wo moti hai palkon mein bandhe aur bah na sake

the kitne nikamme aur bure par lakh se behtar ho ke jiye

ai shan-e-karam sadqe mein tere mahrum kabhi hum rah na sake

ai taj hain hum raazi ba-raza duniya pe hai raushan apni wafa

hai kaun sa baqi koh-e-alam jo sar pe paDa aur sah na sake