log kahte hain ki wo kahte hain diwana mujhe

log kahte haiñ ki vo kahte haiñ dīvāna mujhe

kaun jaane kyā kahā hai rāz-dārāna mujhe

kitne afsānoñ kā mazmūñ kitne armānoñ kī baat

daftar-e-fikr-o-nazar hai ḳhāk-e-parvāna mujhe

sham' kī mānind ghul kar jo miTā de zulmateñ

'ishq vaalo koī dikhlāo vo dīvāna mujhe

shukr hai minnat-kash-e-pīr-e-muġhāñ ye dil nahīñ

ġhuncha-o-gul jaam haiñ gulshan hai mai-ḳhāna mujhe

har kalī hai merā miinā kaar hai mizrāb-e-sāz

mast rakhtā hai hamesha zauq-e-rindāna mujhe

husn ke bande haiñ sab hī maah bhī ḳhurshīd bhī

bazm-e-anjum rashk-e-mai-kHāna hai rozāna mujhe

zinda-e-jāved hai ye hastī-e-fānī bhī 'tāj'

be-ḳhabar haiñ jo kahā karte haiñ afsāna mujhe

log kahte hain ki wo kahte hain diwana mujhe

kaun jaane kya kaha hai raaz-darana mujhe

kitne afsanon ka mazmun kitne armanon ki baat

daftar-e-fikr-o-nazar hai KHak-e-parwana mujhe

sham' ki manind ghul kar jo miTa de zulmaten

'ishq walo koi dikhlao wo diwana mujhe

shukr hai minnat-kash-e-pir-e-mughan ye dil nahin

ghuncha-o-gul jam hain gulshan hai mai-KHana mujhe

har kali hai mera mina kar hai mizrab-e-saz

mast rakhta hai hamesha zauq-e-rindana mujhe

husn ke bande hain sab hi mah bhi KHurshid bhi

bazm-e-anjum rashk-e-mai-kHana hai rozana mujhe

zinda-e-jawed hai ye hasti-e-fani bhi 'taj'

be-KHabar hain jo kaha karte hain afsana mujhe